Евдокия Московская
Возможным автором данного текста являлся, по мнению авторитетного исследователя начала XX века П. Г. Васенко, московский митрополит Афанасий, который мог создать его в 1568—1575 годах. Полное название источника звучит так: «Книга Степенная Царскаго родословия, содержащая Историю Российскую с начала оныя до времён государя царя и великаго князя Иоанна Васильевича, сочинённая трудами преосвященных митрополитов Киприана и Макария». Здесь митрополиты названы как главные инициаторы и организаторы работы над книгой.
Выход «Степенной книги» связан с «золотым веком» российской и европейской генеалогии. В числе первых памятников родословия в России стал, например, «Государев родословец» (1555—1556), а затем уже и «Книга Степенная царского родословия» (1560—1563), в которую вошло «Краткое сказание о блаженной великой княгине Евдокии» (в оригинале — «В мале сказание»). И лишь позднее была составлена «Родословная книга князей и дворян российских и выезжих» (1687), ставшая известной под названием «Бархатная книга».
Тексты «Степенной книги» имеют источники, главным из которых является рукопись, которая хранится в Государственном историческом музее (ТИМ, Чуд. собр., 358/56).
На сегодняшний день «Краткое сказание о блаженной великой княгине Евдокии» из «Степенной книги», вместе с документами первоначального московского летописания и завещанием (духовной грамотой) её мужа — великого князя Дмитрия Донского, является одним из главных и важнейших источников о жизни духовной подвижницы. Оно возведено в 12-ю степень родословия и занимает 14-20 главы. По всей видимости, оно составлено на разных источниках, включая устные предания о Евдокии-Евфросинии, которые сохранялись, в частности, в основанной ею Вознесенской обители в Московском Кремле.
Здесь публикуются как текст «Краткого сказания» («В мале сказания»), так и последующие после него тексты — главы (в издании XVIII века главы 14-20), рассказывающие о великой княгине Евдокии-Евфросинии, помещённые в «Степенную книгу» и имеющие большую важность для читателей и исследователей.
Сказание приводится в современном виде — для удобства чтения.
Текст печатается по изданию: Книга Степенная Царского родословiя. Часть I. М., 1775. С. 510-514.
Глава 14
В мале сказание о Блаженной Великой княгини Евдокии, в иночестве Евфросинии, супружницы достохвалнаго великаго князя Димитрия Ивановича Донскаго
Кто доволен изглаголати силы Господня, или поведати вся чудеса его? Колика же и какова и милость его в роды и роды на боящихся его и на творящих святую его волю, и якоже в повестницех явлена бяху, ниже от начала в Рустей земли благочестия основания и православныя веры утверждение богоизбранный Самодержавеце равноапостольный Великий Князь Владимир, ему же предшественница бяше таковыя благодати баба его святая и блаженная, и пресловущая в премудрости Великая Княгиня Ольга, и сих благочестия, исправления и богоугодному житию безчисленное множество люди великия державы их мужеска полу и женска ретяхуся последователие быти; наипаче же сами державнии, в них же мнози праведни бяху, и Богом прославлении, и памяти их яко светило в мире сияют. От них же бе и сия похваления достойная святая и Христолюбивая Великая Княгиня Евдокия, иже бысть благососчетанная супружница блаженного и достохвального Велика-го Князя Димитрия Ивановича, рекомаго Донскаго, дщи же бяше Великаго Князя Димитрия Констянтиновича Суждальскаго, и во всём усердно подобствова богоугодному исправлению державнаго и благонравнаго си святаго супруга, с ним же единномудренно в заповедех Господних благозаконно живущи, породи ему сынове и дщери, и воспита их благочестно; пребыить же в супружставе 22 лета.
Глава 15
О постановлении святых церквей, и начало Вознесенскаго монастыря.
По отшествии же к Богу святаго и благороднаго супруга ея, вдоствуя бяше 18 лет, много подвизался добродетельными к Богу исправленными, и много святыя церкви постави, и монастыри возгради; на своём же царском дворе постави церковь каменну Рожество Святыя Богородица, идеже есть придел Лазарево Воскресение, иже преже бе древяна, юже всяческими добротами украси, и чудно подписаша славни живописцы Феофан Гречанин, да Симеон Чёрный; в Переяславле же постави церковь близь града у реки у Трубежа, Рожество Святаго Иоанна Предтечи, и монастыри устрой. В царствующем же граде Москве постави церковь каменну Вознесение Христово, и монастырь честен возгради, иже есть Девический общежительный монастырь. Прочая ж святыя церкви от благага ея произволения инде поставлены быша в славу Божию. И тако по Бозе трудобно пребываще, воздержанием же плоть свою изнуряя, целомудрие же сохраняя, и чистоту душевную вкупе же и телесную со всяцем смиренномудрием просвещая, прочие же милостивым нищелюбием богоугодно житие исправляя, кроме всякого тщеславия.
Глава 16
Принесение на Москву иконы Владимирския.
В четвёртое же лето вдовства ея безбожный Царь Темир Аксак, попленив многия земли победи и многия Орды, и многия царства победи, и покори под ся. Тако же хотя пленити и Рускую землю, и уже близь прииде. Святая же и блаженная Великая Княгиня Евдокия сугубыя молитвы к Богу простираше о избавлении предлежащая скорби. И тогда молитвами ея, паче же благоволением Божием и Пречистыя Богородица, советом же и повелением сына ея самодержавнаго Василия и первосвятителя Киприяна, из града Владимира принесён бысть многочудесныя образ, егоже богогласный Лука написа. Пречистыя Богоматери, ея же страшным явлением злочестивый Темир Аксак устрашися, и побеже, и исчезе. И тако заступлением Пречистыя Богородица, Руская земля всегда хранима бысть. Довольно же о сих сказание имать в книзе сей в третьей надесять степени.
Глава 17
О увещании чудесном благородном сыновом.
Христолюбивая же Великая Княгиня Евдокия не престая труды к трудом прилагая, и подвиги к подвигам и милостыню нищим творя с любовью, и прочая добродетели исправляя, ими же возможно есть Богу угодити; старый же враг диявол, Еввин запинатель, видя себя от нея всячески побеждаема, и не могий ни коея же споны сотворити добродетельным ея исправлением, и подвиже некоих легкоумных человек на Христову непорочную невесту, неправедная тайно помышляти, и сице глаголати: како сия державная в сомовольствии и в негодовании вдовствуя возможет целомудренно пребыти? Таковое же безсловесное таинственное безумных человек лжесловие вниде во ушеса и самем благородным чадом ея от нея вся сия не утаишася, и никакож не смутися, но паче благодарствуя Бога; недееше бо ся яко да вместо временнаго поношения неправеднаго, вечное блаженство улучить. Блажен ибо есте, рече Господь, егда поносят вам и изженут вы, и рекут всяк зол, глагол на вы лжуще, имени твоего ради, радуйся и веселитеся яко мзда ваша многа есть на небесех. И того ради блаженства хотяше блаженная с молчанием доконца претерпевати, иже о ней неправедное тайноглаголание; но обаче сына своего Георгия виде смутившася о сих, и сего ради призвав к себе вся сына своя, и начать им глаголати, огненныя слёзы от очию испу-щая: «О чада милая и любезныя! Никакоже не смущайтеся, аз с радостию желах до конца претерпевати Христа ради всяко уничижение и лже словесие человеческое; но обаче вижу единаго от вас смутившася: и того ради не срамляяся хощу известити вам, его же не хотех никому же николи же известити. Вы же чада моя, уведёте, и разумно да будет вам, яже о мне и настоящее лжесловесие да упразднится…» И отверзе малоодежи своея свыше, иже от персей, и показа им малу часть телеси утробы своея, и видеша от зельнаго воздержания и от великаго трудолюбия, яко от огня ожжён бытии плоти ея, и почернети и к костем прилепне. И удивишася, яко тако таинственно иссуши благородную плоть свою, людем же яко светлым лицеем являлся, и многими одеждами облагался, яко дебелым телом являлся. И запрети сыновом своим, да никому же не поведать, яже показа им, и поношающим ей смущающимся о ней, ничто же зла не сотворять, яко всем есть Бог судитель, крепок, долготерпелив, и многомилостив, той утвердит нас в любви своей, избавит ны от всякаго искушения и крамолы лукаваго, и от всякаго навета вражия, и много утешив их, отпусти с миром.